«Ладдзя Роспачы» — гэта спектакль-роздум. Нашы радасці і нашы злачынствы, любоў і здрада, мужнасць і страх — усё гэта пляце нябачнае павуцінне нашага лёсу. Ці працягваецца яно далей за межы жыцця?..

Рэжысёр Святлана Навуменка праз філасофскую прозу Уладзіміра Караткевіча распавядае пра ўнутраны свет чалавека, які стаіць на парозе паміж «тут» і «там». І пытае: мы — стваральнікі свайго лёсу ці толькі акцёры ў п’есе, якую хтосьці напісаў для нас?

Сцэна РТБД стане прасторай глыбінных сэнсаў, дзе кожны зможа судакрануцца з моцнай гісторыяй пра лёс чалавека, унутраную барацьбу і сілу духу, а значыць, з самім сабой.

Прыходзьце, каб зазірнуць у гэта люстэрка разам з РТБД.

Уладзімір Караткевіч: ««Ладдзя Роспачы», па-мойму, найбольш удалая спроба даць абагульнены характар беларусу, якому і чорт не брат, якога і смерць не палохае , які больш за ўсё любіць Радзіму, жыццё і весялосць і ні пры якіх абставінах не ўступіць у барацьбе за іх.»

Рэжысёр-пастаноўшчык, аўтар інсцэніроўкі — Святлана Навуменка.

Сцэнограф — Юрый Саламонаў.

Мастак па касцюмах — Таццяна Лісавенка.

Кампазітар — Андрэй Лабчэўскі.

Харэограф — Дзіяна Юрчанка.

Відэакантэнт — Аляксей Ладышаў.

Прэм’ера: 27 снежня 2025 г.

Год: 2025
Длительность: 2 ч с антрактом
Возрастное ограничение: 16+
Организатор:
ГУ «Заслуженный коллектив РБ «Республиканский театр белорусской драматургии»
Relaх.by (Компания) не является продавцом билетов:
Функции Компании ограничиваются исключительно размещением рекламной информации