Спектакль «Май хомлэнд»

Праект Цэнтра беларускай драматургіі.

Жанр: камедыя пра касмапалітызм.

«Belarus is my homeland, the place where I was born. Belarusian nature scenery is well, lonely place covered with hills, many lakes and forests. Belarus is beautiful and I love Belarus», — англійскай мовы Гена не ведае, аднак гэтыя радкі вывучыў яшчэ ў школе. Прафесія яго — сантэхнік, а хобі — саломапляценне.

«Май хомлэнд» — спектакль пра радзіму і сваё месца. Усе мы з’яўляемся яго героямі і стваральнікамі. Усе мы суаўтары і сутворцы.

Ролі выконваюць: Уладзіслаў Віленчыц, Вераніка Буслаева, Гражына Быкава, Юлія Гружэўская, Дар’я Лазарчык, Ганна Лебедзева, Наталія Саламаха, Надзея Цвяткова.