Спектакль «‎Заручыны»‎

Паводле п’ес «‎Як яны жаніліся» Аляксандра Валодзьскага і «‎Пярэстая красуля» Аляксандра Чужыніна.

Жанр: вечар гарадскіх камедый.

Маладыя дзяўчыны, якія чакаюць свайго шчасця… Хлопцы, для якіх шлюб — спосаб вырашыць асабістыя праблемы… І бацькі, якія, безумоўна, жадаюць лепшага для сваіх красуль, хоць і клапоцяцца за лёс дачок па-рознаму… Гратэск і сакавіты гумар, песні на вершы Янкі Купалы, яскравыя пластыка і харэаграфія, надзвычайныя сюжэты і персанажы, блытаніна і падман — усё дзеля таго, каб маладыя зрабілі шчаслівы выбар.

«‎Заручыны» — гэта дзве гісторыі заручын і два спектаклі ў адзін вечар! Неад’емнай часткай «вечара гарадскіх камедый» стане тэатральная гасцёўня, на якой кожны глядач зможа пагрузіцца ў каларыт і атмасферу Мінска канца XIX — пачатку XX стагоддзяў і стаць паўнавартасным сутворцам гарадской культуры таго часу. Дзверы ў тэатральную гасцёўню адчыняюцца ў 18:30. Чакаем вас!

Рэжысёр-пастаноўшчык — Святлана Навуменка.

Сцэнограф — Юрый Саламонаў.

Кампазітар — Андрэй Лабчэўскі.

Харэограф — Дзіяна Юрчанка.

Пераклад п’есы «Як яны жаніліся» — Вацлаў Ластоўскі.

Прэм’ера: 19 снежня 2024 г.