Спектакль «Вось я і прыйшла!»

Спектакль «Вось я і прыйшла!» — прастора парадоксу, гратэску і гульні падсвядомасці галоўнага героя.

Запрашаем у дзіўны, поўны абсурду свет пісьменніка, які аднойчы атрымлівае замову напісаць твор. На дапамогу нашаму герою прыходзіць Старая. Старая? А затым яшчэ адна… І яшчэ адна… Яны рознымі спосабамі заклікаюць пісьменніка пісаць: то ўгаворваюць яго, то супакойваюць, то б’юць, то пужаюць, то абдымаюць, то знікаюць. Хто гэтыя Старыя і ці рэальныя яны наогул?..

Рэжысёр Аляксандр Бародка аб спектаклі: «Спектакль «Вось я і прыйшла!» — увасабленне ўсіх відаў мастацтваў. Глядач знойдзе тут і творы Казіміра Малевіча, і вершы Хармса, пакладзеныя на музыку, таму што стыль аўтара вельмі меладычны. Музыка будзе вельмі разнажанравая: і кабарэ, і госпел-джаз, і народная песня…»

У аснове спектакля — аповесць Данііла Хармса «Старая», а таксама ўрыўкі з празаічнага зборніка «Выпадкі», вершаваныя творы і дзённікі пісьменніка.

Рэжысёр — Аляксандр Бародка.

Мастак-пастаноўшчык — Юрый Саламонаў.

Мастак па касцюмах — Марына Алекна.

Кампазітар — Аляксандр Гембіцкі.

Пераклад — Марыя Пушкіна.

Прэм’ера: 8 красавіка 2023 года.