Спектакль «Вар'ятка»

«Спектакль РТБД «Вар’ятка» — гэта калі смешна, а потым «прыбівае» і не адпускае колькі дзён. Калі шукаеш сваё адлюстраванне ў іншым чалавеку, але кожнае новае люстэрка разлятаецца на асколкі. Калі жыць у сучаснасці немагчыма, таму што мінулае замясціла яго цалкам, а ў будучыню глядзець страшна. Калі «ненармальным» у нейкі момант можа аказацца кожны з нас.» — Рэжысёр Т.Траяновіч

Адным звычайным днём да звычайнага мужчыны падыходзіць звычайная жанчына і прапануе яму грошы! За што? За невялікую паслугу, «чыстая дробязь». Толькі даведаўшыся аб гэтай паслузе, усе навокал стануць гэтую звычайную жанчыну лічыць ненармальнай. Але што такое норма наогул, і каго можна лічыць нармальным, а каго не?

Рэжысёр — Таццяна Траяновіч.

Пераклад — Юрый Траяновіч.

Сцэнаграфія — Валянціна Праўдзіна.

Мастак па святле — Сямён Давыдзенка.

Харэограф — Валерый Султанаў.

Прэм’ера: 27 верасня 2019 года.