Пастаноўка, сцэнаграфія, музычнае афармленне — заслужаны дзеяч мастацтваў Расійскай Федэрацыі Аляксандр Бармак.
Пераклад на беларускую мову — заслужаны артыст Рэспублікі Беларусь Пятро Ламан.
Касцюмы — Святлана Макаранка.
Пластыка і харэаграфія — Ульяна Ацясава.
Памочнік рэжысёра — Кацярына Мураўёва.
У ціхім маёнтку, удалечыні ад высокага свету і шыкоўных дам, адпачываюць закаранелыя бабылі-гусары — маёр, ротмістр, паручнік Эдмунд і капелан. Але спакой будзе для іх нядоўгім, бо ў госці прыязджаюць тры сястры маёра з вельмі інтрыгоўнымі намерамі. Адна з іх хоча выдаць сваю дачку Сафію замуж за брата-маёра, які амаль на сорак гадоў старэйшы за юную красуню. Сафія, у сваю чаргу, закаханая ў Эдмунда. У іх спее план угаварыць маёра пагадзіцца на вяселле, а ў апошні момант падмяніць яго на паручніка.
Лёгкая, вытанчаная, лірычная камедыя напоўнена тонкім гумарам, смешнымі сітуацыямі, бяскрыўднымі інтрыгамі. Артысты-коласаўцы пакажуць гледачам, што такое шляхетнасць і мужнасць, сяброўства і самаахвяраванне, забыты дух рыцарства і гусарства, уменне кахаць і захапляцца жанчынай, а калі трэба — бараніць яе гонар.
У 2025 годзе камедыі знакамітага польскага драматурга Аляксандра Фрэдры споўнілася 200 гадоў.
15,00 — 25,00 руб.
ГУ Центр культуры «Витебск»
Функции Компании ограничиваются исключительно размещением рекламной информации
afisha.relax.by представляет вашему вниманию «Спектакль «Дамы і гусары»». У нас вы можете ознакомиться с отзывами, кратким описанием, стоимостью входа, оставить свой отзыв и проголосовать за него. Также вы можете посмотреть фото и получить информацию о «Спектакль «Дамы і гусары»»