Выстава «Сугучча»

Минск

Описание

Дыялог пакаленняў праз жывапіс: калектыўная выстава Гімназіі-каледжа мастацтваў.

Мінская абласная бібліятэка запрашае сваіх пастаянных чытачоў і гасцей пазнаёміцца з мастацкімі работамі калектыўнай выставы жывапісу «Сугучча», арганізаванай сумесна з ДУА «Гімназія-каледж мастацтваў імя І. В. Ахрэмчыка».

Аўтарамі выставы сталі беларуская мастачка і педагог Вікторыя Дзямешка і яе вучні — навучэнцы трэцяга курса напрамку «Жывапіс» Гімназіі-каледжа мастацтваў імя І. В. Ахрэмчыка: Ліза Аўсейчык, Марыя Гарошка, Ліза Ермаловіч, Дзмітрый Курылкін, Насця Радзевіч і Вера Шэмет.

Мастацкая выстава «Сугучча» — гэта творчы дыялог настаўніка і вучняў, у якім жывы і непасрэдны імпульс праходзіць праз усе работы экспазіцыі. Кожны з юных мастакоў, ступіўшы на шлях выяўленчага мастацтва, непазбежна сутыкаецца з праблемай выбару, які часта дапамагае вызначыць старэйшы настаўнік. Будучы дасведчаным жывапісцам, Вікторыя Дзямешка не вядзе вучняў за руку, а дапамагае ім знайсці ўласны мастацкі голас і дае неабходную свабоду — у выбары жанру, стылю, выразнасці і кампазіцыйнага мыслення.

Індывідуальны падыход і арыгінальны погляд маладых талентаў прасочваецца ў выразных партрэтах, якія адлюстроўваюць не толькі знешнія, але і ўнутраныя якасці чалавека, яго настрой і характар. Кожны нацюрморт — гэта магчымасць паказаць навакольны свет у новай перспектыве, заўважыць дэталі паўсядзённасці і перадаць іх праз колер і фактуру. Эксперыменты з кампазіцыяй нараджаюць асобныя гісторыі, напоўненыя сімваламі і развагамі.

Калі вопыт ідзе побач з энергіяй маладосці, а фарбы набываюць амаль фізічную выразнасць, узнікае сугучча жывапісных галасоў, здольных расказаць свае гісторыі кожнаму, хто адкрыты да мастацтва.

Время работы: пн-чт с 12:00 до 20:00; сб, вс — с 10:00 до 18:00; пятница — выходной день
Вход:
Свободный
Организатор:
Государственное учреждение «Минская областная библиотека им. А. С. Пушкина»

УНП 100356557

Оставить отзыв

Согласен опубликовать отзыв. Подробнее об условиях обработки персональных данных и механизме реализации прав

Добавить отзыв

Нажимая кнопку «Добавить отзыв», вы принимаете условия Пользовательского соглашения

Выстава «Сугучча»

Ваш отзыв принят. Спасибо!