-
Вход:
Свободный
- Инфолиния:
- Возрастное ограничение: 10+
14 мая 2026 года а 12-й гадзіне ў Літаратурным музеі Максіма Багдановіча адбудзецца прэзентацыя сумеснага беларуска-расійскага выставачнага праекта «Успомнілася пра Вас і захацелася напісаць…» (Адам Багдановіч і Максім Горкі). Адкрыццё выставы пройдзе падчас Дзён Ніжняга Ноўгарада ў Мінску ў межах Міжнароднага культурна-асветніцкага фэсту «Шлях сяброўства».
Адам Багдановіч і Максім Горкі пазнаёміліся ў 1896 годзе, амаль адразу пасля пераезду сям’і Багдановічаў у Ніжні Ноўгарад. Яны пасябравалі, а пазней сталі сваякамі, калі Адам Ягоравіч ажаніўся з Аляксандрай Волжынай — роднай сястрой жонкі Максіма Горкага. Іх сяброўства працягвалася шмат дзесяцігоддзяў: яны сустракаліся ў Ніжнім Ноўгарадзе і Маскве, падтрымлівалі адзін аднаго і вялі актыўную перапіску.
На працягу многіх гадоў цеснае супрацоўніцтва звязвае Дзяржаўны музей А. М. Горкага ў Ніжнім Ноўгарадзе і Літаратурны музей Максіма Багдановіча ў Мінску. Супрацоўнікі беларускага музея неаднаразова прымалі ўдзел у Горкаўскіх чытаннях, арганізоўвалі сумесныя круглыя сталы і выставы.
У экспазіцыі ўпершыню будуць прадстаўлены каштоўныя матэрыялы з фондаў Дзяржаўнага музея А. М. Горкага, звязаныя з сям’ёй Багдановічаў: выявы фотаздымкаў, лістоў, аўтографаў і машынапісаў, што раскрываюць невядомыя старонкі жыцця дзвюх сем’яў. Выставу дапоўняць арыгінальныя матэрыялы з фондаў музея Максіма Багдановіча, прысвечаныя сяброўству рускага пісьменніка і бацькі беларускага паэта.
Свободный