-
Вход:
- Инфолиния:
8 мая 2026 года а 17-й ў Дзяржаўным літаратурна-мемарыяльным музеі Якуба Коласа пачынае працу часовая мастацка-дакументальная экспазіцыя «Вобразы мілыя роднага краю», прысвечаная 100-годдзю з дня нараджэння беларускага мастака, педагога, заслужанага дзеяча мастацтваў Рэспублікі Беларусь Барыса Уладзіміравіча Аракчэева (1926–2013). Выстава дазваляе прасачыць яго творчы шлях ад ранніх студэнцкіх работ да твораў апошніх гадоў жыцця і раскрывае асобу мастака.
Экспазіцыя пабудавана як падарожжа па жыццёвым і творчым шляху Барыса Аракчэева. Прадстаўленыя работы паказваюць развіццё яго таленту: ад навучальных прац у Беларускай акадэміі мастацтваў да сталай творчасці. Асаблівую каштоўнасць надаюць дакументы, ілюстрацыі і асабістыя рэчы, якія дапамагаюць глыбей зразумець як творцу, так і чалавека.
Нарадзіўшыся ў 1926 годзе ў Расіі, Барыс Аракчэеў звязаў свой лёс з Беларуссю, дзе атрымаў мастацкую адукацыю і дасягнуў прафесійных вышынь. Яго спадчына, прадстаўленая ў музеях і галерэях краіны, з’яўляецца важным унёскам у беларускую культуру.
Экспазіцыя размяшчаецца ў музеі Якуба Коласа, бо мастака і паэта аб’ядноўвае любоў да роднай зямлі і яе вобразнае асэнсаванне. Якуб Колас — прызнаны «пясняр нацыянальнай прыроды». Барыс Аракчэеў працаваў у жанры пейзажу і нацюрморта, прысвячаючы свае творы беларускім краявідам. Яго мастацтва прасякнута любоўю да прыроды і рэалістычным яе адлюстраваннем.
Сардэчна запрашаем!