- Время работы: серада — нядзеля, 11:00 — 19:00
-
Вход:
6,00 руб. — для дарослых
4,00 руб. — для студэнтаў
3,00 руб. — для школьнікаў
- Инфолиния:
- Возрастное ограничение: 0+
«Скрыжалі» — гэта сумесны мастацкі праект двух пакаленняў творчай сям’і Зянько: бацькі-фатографа і сына-мастака, ураджэнцаў Стаўбцоўшчыны, прысвечаны роднай зямлі. Назва праекта метафарычна адлюстроўвае ідэю «запісаў» і «сведчанняў» часу, захаваных у мастацкіх творах праз аб’ектыў на фотапаперу і праз пэндзаль на палотны. Скрыжалі — гэта сімвал сакрамэнту, сілы мудрасці, памяці і непарушнасці каранёў, якія звязваюць з вытокамі роду. Менавіта гэтая глыбокая сувязь лягла ў аснову сумеснага праекту бацькі і сына Зянько. Своеасаблівы візульна-паэтычны дыялог двух пакаленняў і розных відаў творчасці — нібы мост паміж рэальнасцю і творчым успрыманнем, дзе кожны вобраз адлюстроўвае скрыжаль памяці, захоўваючы гісторыю і духоўныя каштоўнасці роднага краю.
Серыя чорна-белых і каляровых фотаработ Васіля Зянько старэйшага — гэта архіў фатаграфічных твораў у рэпартажным стылі, які запрашае ў падарожжа да таямнічых гістарычных фота-запісаў, дзе выразнасцю святла адлюстраваны пранізлівыя вобразы, глыбокія партрэты, маляўнічыя пейзажы і з’явы. Фатаграфіі выступаюць у ролі скрыжаляў дакументальнай хронікі прыроднага і сацыякультурнага ландшафту Стаўбцоўскага краю. Архіўны пачатак у гэтых працах — прамое сведчанне непазбежнага храналагічнага працэсу, дзе кожная дэталь напоўнена сэнсам, а візуальная мова падкрэслівае бесперапыннасць быцця.
Палотны Васіля Зянько малодшага сугучна ствараюць паэтычную выяву роднай зямлі праз прызму мастацкай інтэрпрэтацыі твораў Якуба Коласа, вялікага класіка беларускай літаратуры, таксама ўраджэнца Стаўбцоўшчыны. Карціны ў аўтарскай аб’ёмна-контурнай тэхніцы ўяўляюць сабой своеасаблівы сінтэз сучаснага жывапісу і паэзіі эпохі, увасабляючыся ў візуальна-тактыльнае гучанне вершаваных матываў, дзе колер, фактура і кампазіцыя становяцца сродкамі выражэння яркіх літаратурных сэнсаў. Арыгінальныя карціны таксама дазваляюць людзям са слабым зрокам і невідушчым быць паўнапраўнымі наведвальнікамі экспазіцыі і «глядзець» карціны рукамі.
У экспазіцыі выставы фатаграфіі і жывапісу «Скрыжалі» прадстаўлена больш за 50 работ. Гэта не толькі міжпакаленчы мастацкі праект, аб’яднаны тэмай роднай зямлі, але і духоўная прастора, прасякнутая глыбокімі сэнсамі, гісторыяй і памяццю, дзе фатаграфія, жывапіс і паэтычная лінія ствараюць шматслойны вобраз Радзімы. Паглыбляючыся ў сузіранне, наведвальнік становіцца ўдзельнікам не проста агляду, але і амаль медытатыўнага перажывання нацыянальнай памяці і культурнай ідэнтычнасці.
Выстава працягнецца да 7 снежня 2025 года.
6,00 руб. — для дарослых
4,00 руб. — для студэнтаў
3,00 руб. — для школьнікаў