- Время работы: серада-нядзеля: 11:00 — 19:00
-
Вход:
Кошт уваходнага білета — 3,00 руб., студэнцкага, дзіцячага, ільготнага білета — 1,00 руб.
2 ліпеня (серада) 2025 года ў мастацкай галерэі ДУ «Мінскі абласны цэнтр народнай творчасці» у 17:30 адбудзецца адкрыццё выставы «Традыцыі і сучаснасць: народны касцюм. Мінская вобласць».
Мэта праекта — паказаць эстэтычную вартасць і разнастайнасць традыцыйных комплексаў народнага адзення Міншчыны праз экспанаванне захаваных элементаў касцюма і сучасных рэканструкцый, зробленых на падставе даследаванняў.
Буйны рэгіён Беларусі мае багатыя традыцыі дэкаратыўна-прыкладнога мастацтва, у тым ліку стварэння элементаў касцюма. Вытанчанымі мастацкімі прыёмамі і выразнымі дэкаратыўнымі рашэннямі ўражваюць слуцкі, капыльска-клецкі, вілейскі, пухавіцкі, бярэзінскі строі.
Захаванне гэтай не толькі матэрыяльнай, але і духоўнай спадчыны адна з важных задач устаноў культуры Мінскай вобласці. На працягу апошніх дзесяцігоддзяў супрацоўнікі раённых цэнтраў культуры, цэнтраў рамёстваў, педагогі вялі руплівую працу па збору інфармацыі, якая тычыцца традыцыйных строяў. Няспынны пошук крыніц — звестак з этнаграфічных экспедыцый, старых фотаздымкаў і іншых сведчанняў бытавання традыцыйнага касцюма, дазволіў значна пашырыць уяўленне пра лакальныя асаблівасці касцюма. А паглыбленню ў традыцыі народнага мастацтва спрыялі практычныя заняткі па аднаўленню народных убораў.
У выставачным праекце прадстаўлены вопыт даследавання і рэканструкцыі касцюмаў раёнаў Мінскай вобласці, які можа мець канкрэтнае практычнае значэнне (у тым ліку сцэнічны касцюм і інш.). Свой унёсак у экспазіцыю зрабілі майстры з Беразіно, Валожына, Вілейкі, Дзяржынску, Клецку, Копыля, Любані, Мінску, Мядзеля, Ракава, Салігорска, Слуцку. А актуальнасць традыцыйнага беларускага касцюма прадэманстравана на прыкладзе вырабаў сучасных дызайнераў.
Выстава працуе з 2 ліпеня па 7 верасня 2025 г.
Кошт уваходнага білета — 3,00 руб., студэнцкага, дзіцячага, ільготнага білета — 1,00 руб.