- Время работы: Пн. - вс. 11:00 - 19:00, чт. 13:00 - 21:00, вт. - выходной
- Инфолиния:
-
Организатор:
Учреждение «Национальный художественный музей Республики Беларусь»
УНП 100377771
5 чэрвеня 2024 года а 17-й гадзіне ў сяродкрыжжы Нацыянальнага мастацкага музея Рэспублікі Беларусь (вул. Леніна, 20) адбудзецца ўрачыстае адкрыццё выставы «Ю. Пэн, Я. Кругер. Мастацкія школы Беларусі».
У 2024 годзе спаўняецца 170 гадоў з дня нараджэння мастака Ю. М. Пэна і 155 гадоў з дня нараджэння Я. М. Кругера, мастакоў-педагогаў, заснавальнікаў прафесійнай мастацкай адукацыі на тэрыторыі сучаснай Беларусі, заснавальнікаў прыватных школ малюнка і жывапісу ў Віцебску і Мінску. Для многіх сваіх вучняў яны сталі першымі і найважнейшымі педагогамі ў іх жыцці.
Выстава «Ю. Пэн, Я. Кругер. Мастацкія школы Беларусі» створана на аснове жывапісных, графічных, скульптурных твораў са збораў установы «Нацыянальны мастацкі музей Рэспублікі Беларусь» і ўстановы культуры «Віцебскі абласны краязнаўчы музей».
Экспазіцыя ўяўляе сабой рэпрэзентацыю, у першай яе частцы, творчай спадчыны двух яркіх беларускіх жывапісцаў Юдэля Пэна і Якава Кругера, а ў другой частцы — творы цэлай плеяды іх вучняў: Марка Шагала, Восіпа Цадкіна, Давіда Якерсона, Алены Кабішчэр-Якерсон, Саламона Гершова, Яфіма Раяка, Льва Зевіна, Заіра Азгура, Саламона Юдовіна, Льва Лейтмана, Лазара Рана, Ісака Бароўскага, Пятра Явіча, Мішэля Кікоіна, Міхася Станюты, Ісака Мільчына і іншых — прадстаўнікоў самых розных мастацкіх плыняў і напрамкаў, якія стварылі «партрэт» нацыянальнай мастацкай школы Беларусі.
Выстава «Ю. Пэн, Я. Кругер. Мастацкія школы Беларусі» будзе экспанавацца з 5 чэрвеня па 18 жніўня 2024 г. у выставачным корпусе музея (вул. К. Маркса, 24, 3 паверх, залы 1 і 2).
Куратары выставы — Святлана Кот, загадчык аддзела беларускага мастацтва XX — пачатку XXI стст. Нацыянальнага мастацкага музея Рэспублікі Беларусь, Кацярына Калянкевіч, вядучы навуковы супрацоўнік аддзела беларускага мастацтва XX — пачатку XXI стст. Нацыянальнага мастацкага музея Рэспублікі Беларусь.
Учреждение «Национальный художественный музей Республики Беларусь»
УНП 100377771