- Время работы: 18:00 — 23:00
- Возрастное ограничение: 6+
Дзяржаўны музей гісторыі беларускай літаратуры запрашае на праграму Аўдыторыя №13 або ідэальны расклад ў межах акцыі «Ноч музеяў».
Запрашаем адзначыць Міжнародны дзень музеяў у доме пад нумарам 13 на галоўнай літаратурнай вуліцы Траецкага прадмесця. Дзяржаўны музей гісторыі беларускай літаратуры прапануе вам ідэальны расклад на гэты чароўны майскі вечар.
Ва ўсім свеце сёлетняя акцыя «Ноч музеяў» пройдзе пад дэвізам «Музеі: адукацыя і даследаванні». Наш музей пастараўся закумуляваць свой адукацыйны патэнцыял і прадставіць вам яго максімальна атракцыйна: пазнавальна і нясумна. Вас чакаюць самыя розныя актыўнасці, якія дапамогуць і павучыцца, і адчуць сябе даследчыкам музейнай прасторы, і разгадаць сакрэты музейных скарбніц. Лекцыі, практычныя заняткі, віктарыны, гульні, творчыя майстэрні, майстар-класы, музычныя выступленні — усё ў лепшым выглядзе ад лепшых «выкладчыкаў»!
У нашым раскладзе:
– выступ фол-дуэта «RALLA»;
– інтэрактыўная праграма «Капітан далёкіх вандровак»;
– лекцыя даследчыка Змітра Юркевіча да 205-годдзя Станіслава Манюшкі;
– музычная праграма квінтэта «Радыё-брас»;
– літквіз і сямейная гульнятэка ад праекта «Скарбонка гульняў» і Наталлі Галко;
– экспромт-тэатр «Пярэпыты з паэтамі» ад народнага літаратурнага тэатра «Жывое слова»;
– сустрэча з Кніжнай феяй Кацярынай Хадасевіч-Лісавой;
– майстар-клас па традыцыйных беларускіх ляльках ад Ганны Сілівончык;
– квэсты…
А ў перапынках — вясёлыя разыгранкі, акцыі ды цікавосткі!
Дык давайце адукоўвацца разам! Магчыма, крок за крокам, што-нішто здолеем спасцігнуць у свеце роднай літаратуры, музыкі і мастацтва. А што цудоўна прабавім майскі вечар — гэта ўжо без сумневу!