- Инфолиния:
- Возрастное ограничение: 6+
-
Организатор:
Учреждение «Государственный музей истории белорусской литературы»
УНП 190269032
- Длительность: 4 ч.
16 мая наш музей ператворыцца ў атмасфернае, натхняльнае, жывое і энергетычна насычанае месца — сапраўднае скрыжаванне кніжных сусветаў! У гэтую ноч перад гасцямі адкрыецца «Літаратурны партал» — прастора, у якой кожны зможа адчуць сябе героем уласнай гісторыі, дакрануцца да магіі слова і адкрыць новыя старонкі беларускай літаратуры.
Толькі на адзін вечар кожная музейная зала ператворыцца ў асобны літаратурны іншасвет — са сваімі героямі, гісторыямі і адкрыццямі, дзе галоўным правадніком стане кніга. Яна павядзе вас праз казкі і мемуары, паэзію і рамантыку, таямніцы і прыгоды.
У праграме:
– адкрыццё выставы мастацкіх работ Алеся Родзіна;
– лекцыя «Жыццё жанчыны ў творах ХІХ ст.» ад Ганны Кісліцынай і Ірыны Багдановіч;
– прэзентацыя кнігі Кацярыны Гліністай «Калыханка для Мінска»;
– магічны спектакль фокусніка Віктара Андруховіча;
– музычны выступ дуэта «Дабранач».
Лакацыі партнёраў:
– фэшн-партал брэнда адзення Inshy — мода, якая размаўляе па-беларуску;
– б’юці-партал з рэтра-вобразамі ад салона прыгажосці «Фабрыка мрояў».
А таксама вас чакаюць творчыя сустрэчы, літаратурныя гульні, інтэрактывы, квэсты, майстар-класы, дзе можна будзе не толькі назіраць, але і стаць часткай вялікай кніжнай гісторыі.
Асаблівым цэнтрам прыцягнення стане Літаратурны аўкцыён, дзе галоўным скарбам будуць беларускія кнігі. Але каб атрымаць іх, спатрэбіцца незвычайная валюта – літалеры! Іх можна будзе зарабіць, актыўна падарожнічаючы па «Літаратурным партале», выконваючы заданні, прымаючы ўдзел у гульнях і творчых актыўнасцях. Вядоўца аўкцыёна — паэт-вандроўнік Максім Гаўрыс.
Яркага і пульсуючага ззяння дадасць вечару жывое гучанне квартэта Avant-garde.
«Літаратурны партал» чакае ўсіх, хто гатовы да падарожжа ў свет слова і фантазіі!
Дополнительная информация от организатора:
Информация о порядке и месте возвратов билетов
Учреждение «Государственный музей истории белорусской литературы»
УНП 190269032