Херберт Бергер. Камедыя.
У кожнага - свая мара. І спосабы яе дасягнення - таксама розныя. Джон Валонэ (заслужаны артыст Рэспублікі Беларусь Вячаслаў Грушоў) думае толькі пра павышэнне па службе. Тым больш, што менавіта зараз надарыўся зручны выпадак. Яму даручылі… Зрэшты, няхай гэта застанецца таямніцай.
А ягоная прыгожая жонка Нэнсі (заслужаная артыстка Рэспублікі Беларусь Таццяна Ліхачова) тым часам фліртуе з сімпатычным суседам Філіпам Дэбні (Георгій Лойка). Жонка Дэбні Дораці (Наталля Аладка) ў даўгу не застаецца… Звычайны любоўны трохкутнік?.. Так… каб не чацвёрты лішні. А гэта той самы Джэксан (Павел Давыдоўскі), які лётае паміж небам і зямлёй. Як? Варта пацікавіцца. Прыходзьце на прэм’еру - і абавязкова даведаецеся.