На Каляды ўсе людзі чакаюць цудаў. І не толькі людзі! Ведаеце, у аднаго злоснага Гаспадара некалі жыў упарты, але надзвычай чуллівы шэры Асёл, які марыў змяніць свой цяжкі лёс і аднойчы заззяць зоркай у небе.
І вось сапраўдная Зорка перадае яму просьбу Бога, які любіць усіх і дазваляе ўсім любіць сябе: "Братка Асёл, прыйдзі ў горад Батлеем і дапамажы мне." Рашучы і адважны Асёл выпраўляецца ў дарогу… Яму давядзецца сустрэць шмат перашкодаў, але добрае і чулае сэрца прывядзе да тых, хто выратуе Сусвет… Якім чынам? Пра гэта раскажа казка-быль "Я буду зоркай!", з якой малады рэжысёр Таццяна Сядова дэбютуе на коласаўскай сцэне.