Сцэнічнае ўвасабленне п’есы сучаснага ўкраінскага драматурга Марыны Ладо – першы зварот на сцэне тэатра імя Янкі Купалы да творчасці гэтага вельмі вядомага ў Расіі і на Украіне аўтара. Абраная рэжысёрам Аляксандрам Гарцуевым п’еса “Маэстра” прысвечана творчасці Вольфганга Амадэя Моцарта, 250-годдзе з дня нараджэння якога адзначалася на пачатку бягучага года, і ставіцца ўпершыню. П’еса распавядае пра людзей мастацтва, праўдзіва адлюстроўвае тое, што непакоіць сучасную творчую інтэлегенцыю. Галоўны герой, дырыжор – фантасмагарычная фігура самога Моцарта; прысутнічае тут і сучасны Сал’еры. Вечнае процістаянне гэтых герояў – ёсць асноўны канфлікт п’есы.