Дарагія хлопчыкі і дзяўчынкі, а таксама таты, мамы, бабулі і дзядулі! Казку пра тое, як пасябравалі Парсючок (Яўген Бераснеў) і Зайка (Максім Фралоў), раскажуць вам маладыя артысты Коласаўскага тэатра.
Вы, напэўна, пра гэта таксама чулі. Не чулі? Не можа быць!.. А ў нас у Віцебску толькі пра гэта і гавораць. Але самае крыўднае, што ніхто дакладна не ведае, як усё было на самой справе. Вось чаму мы вырашылі запрасіць вас на наш музычны спектакль. Тут і Воўк (Павел Давыдоўскі) зусім не страшны, а хутчэй - смешны, бо паводзіць сябе вельмі дзіўна. А бабуля Шмялёва (Валянціна Багданава, Настасся Куржалава), якая выгадавала Парсючка, нарэшце, ацэніць яго незвычайны талент. Які? А гэта зразумеюць гледачы з незацейлівай гісторыі пра сапраўднае сяброўства.