Аўтар: Л. Разумоўская.
Працяг: 1 г. 40 хв.
Міністэрства культуры Рэспублікі Беларусь УА "Беларуская дзяржаўная акадэмія мастацтваў" Тэатр-студыя імя Е. Міровіча запрашае:
У Рэспубліканскі тэатр беларускай драматургіі на спектакль «Дарагая Алена Сяргееўна» па п'есе Л. Разумоўскай, у выкананні студэнтаў 4 курса напрамка спецыяльнасці «Акцёрскае мастацтва (драматычнага тэатра і кіно).
Ці магчыма зразумець, што такое добра, а што дрэнна, дзе праходзіць мяжа дапушчальнага? Чалавек у імкненні да ўвасаблення сваіх жаданняў часам здольны на самыя жорсткія ўчынкі, а пытанні маралі, часам ставяць у тупік нават самых "правільных" людзей.
Спектакль «Дарагая Алена Сяргееўна» - псіхалагічная драма, падзеі якой разгортваюцца ў кватэры настаўніцы па матэматыцы ў яе дзень нараджэння.
У гэты ж дзень прайшоў іспыт па матэматыцы і некалькі вучняў 11 класа пад маркай віншавання настаўніцы з днём нараджэння прыходзяць да яе з падарункамі. Вучні просяць ключы ад сейфа, дзе захоўваюцца напісаныя імі экзаменацыйныя пісьмовыя працы. Работы напісаны дрэнна і неабходна замяніць іх на правільна вырашаныя. Але настаўніца непахісная ў сваёй упэўненасці, што так паступаць нельга ...
Далейшыя падзеі, якія адбываюцца ў кватэры настаўніцы ў гэты злапомны вечар, учынкі герояў спектакля, якія раскрываюць сапраўдную сутнасць кожнага, іх унутраны свет, іх унутраныя супярэчнасці прыводзяць да непапраўных наступстваў ...
Спектакль ідзе на рускай мове.