Спектакль «Асеннi Rock'n'roll»

Витебск

Описание

Міхаіл Хейфец.

Міні-серыял для мужчыны і жанчыны паводле п’есы «Rock'n'roll на захадзе сонца».

Камерная сцэна.

Прэм’ера — 20 сакавіка 2020 года.

Кажуць, што мужчына і жанчына ніколі не змогуць да канца зразумець адно аднаго. Ці сапраўды гэта так?

…Яна запісалася ў танцавальны клуб. Туды ж прыйшоў Ён. Іх паставілі ў пару. Яны спадабаліся адно аднаму. Напэўна, у жыцці ім чагосьці не хапала... Можа, нечай усмешкі, добрага пагляду, узаемнага клопату…

І раптам без тлумачэнняў Ён знікае! Яна доўга чакае, а потым прыходзіць да яго ў госці, каб вярнуць у клуб. Тут і пачынаецца самае цікавае.

Ці здолеюць мужчына і жанчына знайсці агульную мову? Што іх чакае? Дарога разам ці эгаізм адзіноты? Ці падорыць лёс шанец зладзіць агульны танец?

Дзеянне можа адбывацца дзе заўгодна, у любой краіне, а час дзеяння — нашыя дні.

П’есы рускамоўнага драматурга з Ізраіля Міхаіла Хейфеца ідуць сёння ў многіх тэатрах Расіі і Украіны, рэжысёры добра ведаюць аўтара і любяць яго творы за гумар і жывыя дыялогі.

Гэтая камедыйная гісторыя як непасрэдны пасыл гледачу: ніколі нічога не позна! Нават калі вы выйшлі з узросту Рамэа і Джульеты, знайсці блізкую душу ўсё роўна магчыма. І танчыць, не трапляючы ў рытм, таксама можна, — было б жаданне!

У спектаклі шмат музыкі, класічны рок-н-рол танчаць як маладыя выканаўцы, так і артысты сталага веку.

Пастаноўка і музычнае афармленне — Аляксандр Дольнікаў.

Сцэнаграфія і касцюмы — Наталля Лавіцкая-Ярмолава.

Пластыка і харэаграфія — Дзіяна Юрчанка.

Пераклад п'есы на беларускую мову — Васіль Ткачоў.

Дзейныя асобы і выканаўцы:

Ён — Вячаслаў Грушоў, заслужаны артыст Рэспублікі Беларусь;

Яна — Святлана Жукоўская;

Танцор — Ілля Блыкін / Аляксандр Пачкаеў;

Танцорка — Надзея Радзімава / Дар’я Французава.

Год: 2020
Длительность: 1 ч 15 мин
Стоимость билетов:
25,00 руб.
Возрастное ограничение: 12+
Организатор:
ГУ «Национальный академический драматический театр имени Якуба Коласа»‎
Relaх.by (Компания) не является продавцом билетов:
Функции Компании ограничиваются исключительно размещением рекламной информации