Спектакль «Усе мышы любяць сыр»

Витебск

Описание

Галоўныя героі казкі — два вясёлыя мышаняты, Фружы і Шома. Яны маглі б сябраваць і гора не ведаць, але перад імі ўзнікае сур’ёзная перашкода: Фружы — белага колеру, а Шома — шэрага. Гэта розніца бачна ўсім, і асабліва бацькам герояў, якія бясконца спрачаюцца адно з адным і са сваімі дзецьмі. Але да шчасця, на дапамогу мышанятам прыходзіць Ізольда, Вялікая Чараўніца-Кошка. У фінале гісторыі ўсё ўстае на свае месцы, і героі знаходзяць шчасце. Бо насамрэч колер не важны, а важна, што ўсе мышы, без выключэння, любяць сыр!

Адпраўляйцеся хутчэй і вы ў неверагодную прыгоду разам з адважнымі мышанятамі. Спазнайце чароўную сілу дабра ў гэтай дзіўнай, амаль шэкспіраўскай гісторыі.

Спектакль «Усе мышы любяць сыр» пастаўлены па п'есе выдатнага венгерскага драматурга Дзьюлы Урбана, аўтара казкі «Блакітны шчанюк», што даўно стала класікай дзіцячай драматургіі і мультыплікацыі.

Пастаноўка — Вячаслаў Грушоў, заслужаны артыст Рэспублікі Беларусь.

Сцэнаграфія і касцюмы — Святлана Макаранка.

Музыка і музычнае афармленне — Аляксандр Крыштафовіч.

Пераклад на беларускую мову — Пётр Ламан, заслужаны артыст Рэспублікі Беларусь.

Дзейныя асобы і выканаўцы: Шэрыя мышы — Лідзі: Валянціна Багданава; Мартан: Вадзім Асвяцінскі; Шома: Міхаіл Асанаў / Раман Волат; Белыя мышы — Альбін: Міхаіл Асанаў / Ілля Блыкін / Генадзь Гайдук, уладальнік медаля Францыска Скарыны; Віялета: Ніна Обухава; Фружы: Святлана Сухадолава / Алёна Меркушава; Ізольда, Вялікая Чараўніца-Кошка: Ульяна Ацясава / Святлана Жукоўская / Вольга Куляшова.

Год: 2020
Длительность: 1 ч
Стоимость билетов:
10,00 руб.
Возрастное ограничение: 0+
Организатор:
ГУ «Национальный академический драматический театр имени Якуба Коласа»‎
Relaх.by (Компания) не является продавцом билетов:
Функции Компании ограничиваются исключительно размещением рекламной информации