Браніслаў Нушыч.
Камедыя па п'есе «Засмучаная радня».
Прэм’ера — 16 снежня 2025 года.
Хто не марыць пра вялікую спадчыну, якая адразу вырашыць жыццёвыя пытанні? Засмучаныя родзічы, большасць з якіх «дзясятая вада на кісялі», спаборнічаюць у сваім нібыта горы, быццам бы аплакваюць нядаўна памерлага сваяка. Кожны з іх спрабуе давесці, што любіў нябожчыка не менш, чым іншыя, быў яму вельмі блізкі і дарагі. Вядома, яны ведаюць, што спачылы пакінуў неблагую спадчыну. І больш за тое, у чаканні абвяшчэння волі нябожчыка радня пачынае дзяліць прывіднае багацце. Хто ж сапраўды атрымае спадчыну? Пра гэта глядач даведаецца, калі паглядзіць наш спектакль.
Сербскі драматург Браніслаў Нушыч (1864–1938) — аўтар такіх вядомых камедый, як «Доктар філасофіі» (пастаўленая коласаўцамі ў 2017 годзе і сёння знаходзіцца ў рэпертуары), «Спадарыня міністэрша», «Таварыства белградскіх эмансіпіраваных жанчын», «Народны дэпутат» і іншыя. Камедыя «Засмучаная радня», напісаная ў 1930-я гады, не страціла актуальнасці.
Сцэнічная версія п'есы і пастаноўка — Віктар Чэпелэў, заслужаны артыст Рэспублікі Беларусь.
Сцэнаграфія і касцюмы — Святлана Макаранка.
Музыка і музычнае афармленне — Міхаіл Рудак.
Харэаграфія — Ульяна Ацясава.
Пераклад п'есы на беларускую мову — Пётр Ламан, заслужаны артыст Рэспублікі Беларусь.
Дзейныя асобы і выканаўцы:
Агатон — Вячаслаў Грушоў, заслужаны артыст Рэспублікі Беларусь / Юрась Цвірка, уладальнік медаля Францыска Скарыны;
Сімка, жонка Агатона — Крысціна Ульяненка;
Танасія — Георгій Лойка, заслужаны артыст Рэспублікі Беларусь;
Віда, жонка Танасіі — Святлана Жукоўская;
Трыфун — Пятро Ламан, заслужаны артыст Рэспублікі Беларусь;
Прока — Яўген Бераснеў / Генадзь Гайдук, уладальнік медаля Францыска Скарыны;
Гіна, жонка Прокі — Ніна Обухава;
Сарка, удава — Вікторыя Шамардзіна;
Міча — Дзмітрый Філімоненкаў;
Даніца — Вераніка Малашкевіч;
Цётка, старая жанчына — Таццяна Ліхачова, заслужаная артыстка Рэспублікі Беларусь;
Доктар Петравіч, адвакат — Аляксей Анісеня;
Паліцэйскі — Даніла Катовіч.
25,00 — 27,00 руб.
Государственное учреждение «Национальный академический драматический театр имени Якуба Коласа»
УНП 300203648
Функции Компании ограничиваются исключительно размещением рекламной информации