Аляксандр Фрэдра. Камедыя.
Прэм'ера — 27 сакавіка 2025 года.
Пастаноўка, сцэнаграфія і музычнае афармленне Аляксандра Бармака, заслужанага дзеяча мастацтваў Расійскай Федэрацыі.
Касцюмы Святланы Макаранка.
Пластыка і харэаграфія Ульяны Ацясавай.
Пераклад на беларускую мову п’есы, вершаў і тэкстаў песень — Пятро Ламан, уладальнік медаля Францыска Скарыны.
У ціхім маёнтку, удалечыні ад высокага свету і шыкоўных дам, адпачываюць закаранелыя бабылі-гусары — маёр, ротмістр, паручнік Эдмунд і капелан. Але спакой будзе для іх нядоўгім, бо ў госці прыязджаюць тры сястры маёра з інтрыгоўнымі намерамі. Адна з іх хоча выдаць сваю дачку Зосю замуж за брата-маёра, які амаль на сарок гадоў старэйшы за юную красуню. Зося, у сваю чаргу, закаханая ў Эдмунда. У іх спее план угаварыць маёра пагадзіцца на вяселле, а ў апошні момант падмяніць яго на паручніка. Лёгкая, вытанчаная, лірычная камедыя напоўнена тонкім гумарам, смешнымі сітуацыямі, бяскрыўднымі інтрыгамі. Артысты-коласаўцы пакажуць гледачам, што такое шляхетнасць і мужнасць, сяброўства і самаахвяраванне, забыты дух рыцарства і гусарства, уменне кахаць і захапляцца жанчынай, а калі трэба — бараніць яе гонар.
У 2025 годзе камедыі знакамітага польскага драматурга Аляксандра Фрэдра спаўняецца 200 гадоў.
22,00 — 28,00 руб.
ГУ «Национальный академический драматический театр им. Якуба Коласа»
Функции Компании ограничиваются исключительно размещением рекламной информации