Камедыя на 3-ы дзеі
Віталь Вольскі
Пастаноўка Навума ЛОЙТАРА.
Сцэнаграфія і касцюмы Ліпы КРОЛЯ.
Музыка Ісаака ЛЮБАНА.
Рэжысёр аднаўлення Віталь БАРКОЎСКІ.
Мастак Пятро АНАШЧАНКА.
Мастакі па касцюмах Ніна БАБРОВІЧ і Пятро АНАШЧАНКА.
Музычная рэдакцыя Аляксандра КРЫШТАФОВІЧА.
Балетмайстар Мікалай ПАДАЛЯК.
Гэты спектакль пра вясёлыя прыгоды бедняка Несцеркі , беларускага Хаджы Насрэдзіна, які валодае невынішчальным аптымізмам, розумам і кемлівасцю. Ён блукае па родным краі, ніколі не маркоціцца і заўсёды гатоў прыйсці на дапамогу беднаму люду. Такі ўжо чалавек Несцерка! Сюжэт камедыі пабудаваны паводле матываў беларускіх народных казак. Ён уяўляе сабой шэраг займальных прыгодаў, якія здараюцца з галоўнымі персанажамі.
...Бедны, але сумленны і працавіты хлопец Юрась кахае дачку ганчара Мацея Насту.Дзяўчына адказвае юнаку ўзаемнасцю. Але маці Насты, строгая і ўладарная кабета Мальвіны прыгледзела для яе іншага жаніха–недарэчнага. смешнага і дурнаватага кар’ерыста-шкаляра. І тут на дапамогу маладым з’яўляецца Несцерка. Нямала перашкод яму давядзецца пераадолець: абхітрыць пана, перамагчы ў дыспуце шкаляра, ашукаць суддзю, “адправіць” жаніха-прайдзісвета ў “замежныя краіны” і ўрэшце схіліць непахісную Мальвіну да шлюбу Насты з Юрасём.
Дарэчы, у 2016 годзе коласаўскаму Несцерку споўніцца 75 год.