Дзве душы

Дарагія нашы гледачы!
У сувязі з рэкамендацыямі эпідэміялагічных службаў паказы спектакляў з 12 па 26 красавіка ўключна пераносяцца.
Мы ўдзячныя ўсім, хто падтрымлівае нас і не здае квіткі, хто далучаецца да нашых анлайн-праектаў і праводзіць вечары «Купалаўскім дома», хто дасылае цёплыя словы і свае архіўныя фота з тэатра. Усім нашым гледачам кажам шчыры дзякуй за разуменне, гэта вельмі важна для нас!

Усе квіткі на дадзеныя спектаклі будуць дзейнічаць да канца 2020 года.
Пры жаданні, квіткі можна здаць да 8 траўня ў касу тэатра на Энгельса 7а з 10.00 да 20.00. Для даведкі +375 29 261-21-19.

Сцэны
Максім Гарэцкі

Упершыню на беларускай сцэне – спектакль паводле аповесці “Дзве душы” айчыннага класіка, пачынальніка беларускай філасофскай прозы Максіма Гарэцкага. На фоне знакавых гістарычных падзеяў у часе пасля Першай сусветнай вайны пераплятаюцца лёсы розных людзей, якія апынуліся ў гушчы рэвалюцыйнай “куламесы” - падмененых у дзяцінстве панскага і сялянскага сыноў, палітычных прайдзісветаў, закаханых дзяўчат, адраджэнцаў. Дзве душы - гісторыя ўнутранай супярэчнасці беларускага інтэлігента Ігната Абдзіраловіча, які здольны рэфлексаваць над часам і сабой у складаным свеце, шукаць “яснасць у паглядах на спрадвечна няяснае”, што непазбежна робіць яго староннім і безабаронным у сваім асяроддзі.

Сцэнаграфія і касцюмы Барыс Герлаван
КампазітарАндрэй Зубрыч
ХарэографНаталля Карчэўская
Інсцэніроўка на беларускай мове Уладыслаў Ахроменка, Максім Клімковіч
Стварэнне відэакантэнту Сяргей Тарасюк