Афінскія вечары

Сучасная гісторыя на 2-е дзеі

Пётр Гладзілін

Пераклад Анатоля БУТЭВІЧА.
Рэжысёр-пастаноўшчык – заслужаны дзеяч мастацтваў Рэспублікі Беларусь Валерый АНІСЕНКА.
Мастак-пастаноўшчык Валерый ЮРКЕВІЧ.
Музыка і музычнае афармленне Аляксандра КРЫШТАФОВІЧ.
Пластыка Дзіяны ЮРЧАНКА. 
Светлавое афармленне – Міхась ЛАВІЦКІ, Яўген КУЛЯШОЎ. 

Пытанне бацькоў і дзяцей – адвечнае заўжды і сёння. Глава сям’і Барыс Алегавіч даўно вызначыў лёс 18-гадовай дачкі Наташы. Яна павінна нястомна працаваць над сваім музычным талентам, каб стаць сусветна вядомай піяністкай. Гэтае меркаванне падтрымлівае і маці, Людміла Сяргееўна.

Магчыма, Наташа магла б згадзіцца з бацькоўскім наканаваннем…Але яна кахае маладога кампазітара Антона, і ад іх узаемнага пачуцця ўжо ёсць прыемныя наступствы. Да таго ж па дарозе ў Еўропу прыязджае бабуля – Ганна Паўлаўна Растапчына. Народжаная арыстакратка, яна была знаёмая з Горкім і Хадасевічам і ведае дванаццаць моў. Яна ўражвае ўсю сям’ю гуллівым характарам, правакацыйнымі жарцікам і шчырымі расповядамі пра багемна-паэтычную маладосць. Ціхая сямейная плынь нечакана змяняе тэмп і накірунак…