- Возрастное ограничение: 6+
29 студзеня на сцэне Малой залы Беларускай дзяржаўнай філармоніі адбудзецца лялечны монаспектакль “Граф Глінскі – Папялінскі” паводле п’есы-казкі Артура Вольскага.
Артур Вітальевіч Вольскі – слынны беларускі пісьменнік, ветэран Вялікай Айчыннай вайны – па-новаму расказаў на беларускай мове вядомую еўрапейскую казку Шарля Пэро “Кот у ботах”.
Незвычайная гісторыя адбылася з сябрамі – хлопцам Марцінам і катом Максімам. Пасля ўсіх прыгод і нечаканасцяў, дзякуючы знаходліваму кату, просты хлопец пераўтварыўся ў Графа Глінскага – Папялінскага. А ці зрабіўся Марцін ад гэтага больш значным і шчаслівым? Вы даведаецеся аб гэтым, паглядзеўшы наш спектакль.
Рэжысёр і выканаўца Вячаслаў Шакалідо, мастак Людміла Скітовіч, кампазітар Алег Залётнеў. Прэм’ера адбылася ў 2009 годзе.