6 лютага 2014 года ў Малой зале Беларускай дзяржаўнай філармоніі адбудзецца прэм’ера, прысвечаная 100-годдзю з дня нараджэння сапраўднага сына беларускай зямлі, народнага паэта, лаўрэата Дзяржаўных прэмій Аркадзя Куляшова.
Монаспектакль паводле драматычнай паэмы “Цунамі” – менавіта гэты твор прадставіць Вам у сваім выкананні знакамітая актрыса, уладальніца медаля Францыска Скарыны Зінаіда Феакцістава-Каладзяжная.
Рэжысёр-пастаноўшчык – вядомы дзеяч мастацтваў Вітаўтас Грыгалюнас.
Гісторыя кахання двух маладых людзей, якія адпраўляюцца ў рамантычнае кругасветнае вандраванне на самаробнай пірозе (лодцы). Што іх напаткае ў тым бязмежным акіяне, якія выпрабаванні сустрэнуць яны на сваім шляху – пра ўсё гэта вы даведаецеся, калі прыйдзеце 6 лютага а 19 гадзіне ў Малую залу Беларускай дзяржаўнай філармоніі.
Зінаіда Феакцістава-Каладзяжная не спыняецца на сваім творчым шляху. Яна працягвае працаваць у самым складаным, рэдкім жанры Слова, запальвае свечкі літаратарам, творы якіх, на жаль, не так часта можна сустрэць у канцэртнай афішы. Ты, хто не абыякавы да нашай гісторыі, нашай нацыянальнай культуры, высокага паэтычнага Слова, запрашаем 6 лютага а 19 гадзіне у філармонію на монаспектакль “Цунамі”.
Все события твоего города в мобильном приложении relax.by . Найди «relax.by» в своем маркете: App Store, Google Play!