Жанр: святочны спектакль
Аўтар і рэжысёр: Святлана Навуменка
Сценаграфія: Юрый Саламонаў
Відэа, анімацыя: Ігар Вяпшкоўскі
Прэм’ера: 22 снежня 2018
РТБД рыхтуе навагодні святочны спектакль для дзяцей «Навагодняя вандроўка ў Парыж». Юных гледачоў тэатра чакае сустрэча з самымі любімымі героямі французскіх казак, захапляльная гісторыя пра дабро і зло, пра сяброўства і здраду і, вядома ж, падарожжа ў Парыж.
Гэту святочную гісторыю гледачам распавядуць выдатныя акцёры РТБД разам са сваімі сябрамі, акцёрамі з Францыі. У спектаклі шмат песень і танцаў, якія будуць выконваць нашы французскія сябры. А пасля спектакля ўсіх гледачоў чакае сапраўдная парыжская дыскатэка з гульнямі і конкурсамі.