26 снежня 2020 года
з 15:00 да 16:30
Каляды – адно з найбуйнейшых традыцыйных свят, як у хрысціянскай, так і ў старажытнай традыцыі. Каляды нясуць у сябе глыбокі сакральны сэнс, а таксама жаданне простых людзей адпачыць ад жыццёвых турбот і дадаць добрага настрою ў штодзённае жыццё.
Калядны цыкл складалі 3 святы: Вялікая, Шчодрая і Посная Куцці (ад назвы кашы, з якой традыцыйна пачаналася святочная вячэра). На працягу двух тыдняў моладзь ладзіла шматлікія забавы, ігрышчы, розныя гульні, варажбу, рабіліся розныя абрады.
Асобае месца займае абрад калядавання. Калядоўшчыкі хадзілі з «казой», «мядзведзем», «цыганамі», «дзедам і бабкай» і іншымі персанажамі, у якія самі пераапраналіся, рабілі народны карнавал, дзе шырока выяўлялася народная выдумка.
Каляды – незвычайны святочны час, калі асаблівую значнасць набывалі зносіны ў сферы адпачынку, усе імкнуліся паказаць свае ўменні і таленты, пакрасавацца «на людзях», спявалі, танцавалі, імправізавалі! У Беларускім дзяржаўным музее народнай архітэктуры і побыту вы зможаце прыняць удзел у гэтым чаруючым і вясёлым свяце, якое спакон вякоў святкавалі нашы продкі!
Вас чакае:
— паказ традыцыйнага лялечнага тэатра – Батлейкі;
— рэканструкцыя святкавання «Першай, вялікай куцці»;
— традыцыйны абыход двароў «Калядоўшчыкамі»;
— паказ ценевога тэатра «Вяртэп»;
— зімовыя забавы і гульні;
— частаванне гарбатай з зёлак;
— беларускія народныя танцы и гульні.
Падчас мерапрыемства за дадатковую плату можна:
— набыць сувеніры ад народных майстроў на касе музея;
— наведаць «Беларускую карчму», якая знаходзіцца на тэррыторыі музея.
Запрашаем прыняць удзел у абрадавым мерапрыемстве «Каляды» на тэрыторыі музея!
Кошт квіткоў:
- для дарослых – 8.00 руб.;
- для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4.00 руб.;
- для дзяцей дашкольнага ўзросту – бясплатна.
Экспазіцыя музея працуе з 10:00 да 17:00. Каса працуе з 10:00 да 16:30.
Шаноўныя наведвальнікі!
— Калі ласка, паклапаціцеся пра абутак і вопратку згодна з умовамі надвор’я.
— Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
Як нас знайсці?
Музей знаходзіцца ў 4-х км ад МКАД за аўтарынкам «Малінаўка», каля аг. Азярцо.
Праезд ад аўтастанцыi «Паўднёва-Заходняя», прыпынку «Пятроўчына», «Малінаўка-6» ідуць прыгарадныя аўтобусы ў накірунку: Мiнск –Дубянцы, 170Э, Чыкі; маршрутка №1277.