- Время работы: вт. — вс.: 10:00 — 19:00
-
Инфолиния:
Даведкі і замова экскурсій: +375 17 395 44 47 (Князева Ірына Расціславаўна)
Выстава «Таленавіты род Чэхавых» да 165-годдзя з дня нараджэння А.П.Чэхава.
29 студзеня 2025 года ў Дзяржаўным музеі гісторыі беларускай літаратуры распачынае працу часовая літаратурна-дакументальная экспазіцыя «Таленавіты род Чэхавых».
Экспазіцыя створана ў межах міжнароднага музейнага супрацоўніцтва паміж Дзяржаўным музеем гісторыі беларускай літаратуры і Таганрогскім дзяржаўным літаратурным і гісторыка-архітэктурным музеем-запаведнікам. Яна прысвечана гісторыі і творчай спадчыне сям’і Чэхавых.
Адоранасць прадстаўнікоў гэтага славутага роду праявілася ў разнастайных галінах: літаратуры, жывапісе, дойлідстве, акцёрскім мастацтве, фатаграфіі, выдавецкай справе, культурна-грамадскай і адукацыйна-выхаваўчай дзейнасці. Іх шматгранныя таленты зрабілі важкі ўклад у развіццё рускай і сусветнай культуры, пакінуўшы нашчадкам творы і ідэі, якія працягваюць натхняць новыя пакаленні.
На планшэтах выставы прадстаўлены матэрыялы з фондаў Таганрогскага дзяржаўнага літаратурнага і гісторыка-архітэктурнага музея-запаведніка.
Выстава на рускай мове.
Будзе цікава аматарам літаратуры, гісторыі, мастацтва.
Дзейнічае па 2 сакавіка 2025 года.
Даведкі і замова экскурсій: +375 17 395 44 47 (Князева Ірына Расціславаўна)