Скачать из Windows Phone Store
a a a a a a a
Выставки

Pencil & пэндзаль

Мероприятие уже прошло

Время работы вт.-пт.: 10:00 – 19:00. сб.,вс.: 10:00 – 18:00. пн.: выходной
Жанр Графика
Возрастное ограничение 0+

30 кастрычніка 2018 года а 17-й гадзіне ў галерэі «Лабірынт» Нацыянальнай бібліятэкі Беларусі (пр. Незалежнасці, 116, 3-ці паверх) адбудзецца адкрыццё рэтраспектыўнай выстаўкі кніжнай графікі Паўла Татарнікава «Pencil & пэндзаль».

На рэтраспектыўнай выстаўцы сусветна вядомага кніжнага ілюстратара Паўла Татарнікава «Pencil & пэндзаль» будуць прадстаўлены больш за 90 графічных работ – ілюстрацый да папулярных у Беларусі і за мяжой выданняў. 

У скарбонцы мастака – вобразы гістарычнай Беларусі Анатоля Бутэвіча, Уладзіміра Арлова і Уладзіміра Ягоўдзіка; ілюстрацыі да англійскай і французкай класікі – твораў Уiльяма Шэкспіра і Аляксандра Дзюма; шатландскай прозы – Роберта Льюіса Сцівенсана; кітайскага эпасу «Нябесны iмператар i 10 сонцаў»; беларускіх народных казак і сусветна вядомых казак аўтарства Ганса Хрысціяна Андэрсена; ілюстрацыі да выдання паводле лiбрэта аднайменнай оперы Рыхарда Вагнера «Золата Рэйна» і шмат іншых работ. Графіка Паўла вылучаецца вытанчанасцю, выверанасцю і дакладнасцю элементаў. Кожная дэталь напоўнена глыбокім філасофскім зместам. Можна сказаць, што кожны яго твор – гэта раман, прасякнуты шчырай павагай да прадмета выяўлення.

Павел Юр'евіч Татарнікаў – беларускі мастак-графік, кніжны ілюстратар, дацэнт кафедры графікі Беларускай дзяржаўнай акадэміі мастацтваў, член Беларускага саюза мастакоў, акадэмік Беларускай акадэміі выяўленчага мастацтва, удзельнік мноства выставак у розных краінах свету, дыпламант і лаўрэат шматлікіх конкурсаў, вядучы мастак у галіне ілюстравання беларускіх казак і гістарычных выданняў.

«Pencil & пэндзаль» – рэтраспектыўная выстаўка графікі мастака, які больш за два дзесяцігоддзі ўпрыгожвае і робіць прывабнымі дзясяткі кніг розных аўтараў, рознага зместу, для аўдыторыі самага рознага ўзросту.

Запрашаем наведаць выстаўку ў галерэі «Лабірынт» да студзеня 2019 года.

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить комментарий», вы принимаете Правила размещения комментариев и даете согласие на обработку своих персональных данных .
На данном Веб-сайте используются файлы cookie. Продолжая пользоваться ресурсом, вы соглашаетесь с условиями Политики обработки персональных данных.