Скачать из Windows Phone Store
a a a a a a a
Выставки

Паэзія графікі

Мероприятие уже прошло

Время работы вт.-пт.: 10:00 — 19:00. сб.,вс.: 10:00 — 18:00. пн.: выходной
Жанр Акварель, Графика
Стоимость входа

по читательским билетам

Прыгажосць у штодзённым: выстаўка графікі і акварэлі Леаніда Марчанкі!

3 кастрычніка 2017 года а 16-й гадзіне ў галерэі «Лабірынт» Нацыянальнай бібліятэкі Беларусі (пр. Незалежнасці, 116, 3-гі паверх) адкрыецца мастацкая выстаўка Леаніда Марчанкі «Паэзія графікі».

Празрыстасць нябёс і нізкія шэрыя хмары, квітнеючы бэз і палымяныя верхавіны асенніх дрэў, бярозавы гай і нарачанскія азёры… Мастацтва Леаніда Марчанкі адлюстроўвае першародную прыгажосць зямлі, датычнасць чалавека да яе лёсу, кліч гістарычнай памяці, пошукі ўнутранай гармоніі.

Талент майстра праявіўся ў розных галінах выяўленчага мастацтва, аднак найбольш поўна і ярка – у афорце, акварэлі і алоўкавым малюнку. Тонкі жывапісец-акварэліст, ён стварыў незвычайна празрыстыя і складаныя колеры з лёгкім балансаваннем паўтонаў − закат, сіні вечар, саламяныя стагі, белая царква, люстэрка вады. Гармонія прыроды і чалавека, іх яднанне чытаецца ў творах мастака.    

Дзівоснай бачыцца і графіка Леаніда Марчанкі: складаная, але разам з тым, тонкая і паэтычная. І, канешне, афорт − любімая тэхніка майстра − вытанчаная, серабрыстая, светланосная. Ён стварыў некалькі серый бліскучых афортаў, прысвечаных прыродзе Беларусі, напоўненых пяшчотай і  трапяткім пачуццём да роднай зямлі. На выстаўцы прадстаўлены творы з серый «Край нарачанскі», «Мой край азёрны», «Зямля і людзі» і інш.

Леанід Марчанка (1941 – 1996) – беларускі мастак-графік, нарадзіўся ў г. Бабруйску Магілёўскай вобласці. Прафесійную адукацыю атрымаў у Пензенскім мастацкім вучылішчы імя К.А. Савіцкага ў Расіі і Беларускім дзяржаўным тэатральна-мастацкім інстытуце. З 1974 года − член Саюза мастакоў СССР.

З 1966 году ўдзельнічаў у рэспубліканскіх і міжнародных мастацкіх выстаўках − звыш пяцідзесяці рэспубліканскіх і ўсесаюзных і больш за два дзесяткі замежных і міжнародных (Аўстрыя, Германія, Фінляндыя, Сірыя, Бельгія, Маўрытанія, Балгарыя, Польшча, Індыя, Чэхаславакіа, Аўстралія, Нарвегія, Тайвань, Данія і  інш.).

Сёння работы Леаніда Марчанкі знаходзяцца ў Нацыянальным мастацкім музеі Рэспублікі Беларусь, Рэспубліканскай мастацкай галерэі Беларускага саюза мастакоў, Віцебскім абласным краязнаўчым музеі, Гродзенскім дзяржаўным гісторыка-археалагічным музеі, Дзяржаўнай Траццякоўскай галерэі, Музеі сучаснага мастацтва (г. Кёльн) і галерэі Элізы Гарт (г. Аахен) у Германіі, у мастацкіх галерэях Расіі і  прыватных зборах у ЗША, Даніі, Польшчы.

Жывапісную паэзію Леаніда Марчанкі можна ўбачыць у галерэі «Лабірынт» да 27 лістапада 2017 года.

Дата заканчэння работы выстаўкі можа быць зменена!
Тэлефон для даведак: +375 (17) 266-37-37, +375 (17) 293-28-23, +375 (17) 293-28-81.

Все события твоего города в мобильном приложении relax.by. Найди «relax.by» в своем маркете: App Store, Google Play!   
Отзывы
24 ноября 2017 в 15:20

Совершенно точно могу сказать, что вы поменяли редактора и даже назвать примерную дату. Когда я смотрю афишу, я не хочу читать рефераты в описании к мероприятию! Мне хочется увидеть краткий обзор, где будет именно та информация, которая мне нужна, чтобы понять пойти или нет!

ОСТАВЬТЕ ОТЗЫВ
Отправить комментарий
Нажимая кнопку «Отправить комментарий», вы принимаете Правила размещения комментариев и даете согласие на обработку своих персональных данных .
На данном Веб-сайте используются файлы cookie. Продолжая пользоваться ресурсом, вы соглашаетесь с условиями Политики обработки персональных данных.