- Время работы: Пн.-вс.: 09:00 — 18:00
4 сакавіка – Дзень міліцыі Беларусі. Свята афіцыйна зацверджана Указам Прэзідэнта Рэспублікі Беларусь Аляксандра Лукашэнкі ад 26 сакавіка 1998 года № 157.
У Прэзідэнцкай бібліятэцы Рэспублікі Беларусь да канца сакавіка экспануецца выстава “І добрая слава ў спадчыну”. Большасць прадстаўленных матэрыялаў захоўваецца ў аддзеле старадрукаў і рэдкіх выданняў.
У 2017 годзе адзначаецца 100 гадоў з часу стварэння (1917) у Мінску першага атрада міліцыі на чале з Міхаілам Васільевічам Фрунзэ (1885-1925). Выстава распавядае пра гісторыю станаўлення беларускай міліцыі. Сярод прадстаўленных выданняў “Кароткі нарыс гісторыі міліцыі Беларусі” (1927), “Справочник милиционера” (1939) і іншыя дакументы, якія ўтрымліваюць каштоўныя звесткі пра складаны перыяд 1917-1930 гадоў. Прыцягваюць увагу працы сучасных даследчыкаў па гэтай тэме.
Запрашаем на выставу да канца сакавіка бягучага года.