20 красавіка 2016 года ў Мінску ў галерэі “Ў” навуковая супрацоўніца Музея працы ў Гамбургу спадарыня Гюлай Гюн прадставіць свой даклад на тэму “Выстава “Прымусовая праца. Немцы, прымусовыя рабочыя і вайна” у Музеі працы ў Гамбургу”.
Гэтая выстава была распрацавана Фондам мемарыяльных комплексаў Бухенвальд і Мітэльбаў-Дора пры падтрымцы Фонда “Памяць, адказнасць і будучыня” і ўпершыню распавядае поўную гісторыю прымусовай працы ў час нацыянал-сацыялізма і яго наступстваў.
Першыя наведвальнікі ўбачылі экспазіцыю ў 2015 годзе ў Музеі працы ў Гамбургу. Але гэта выстава з’яўляецца вандроўнай, і ў будучым часе яе можна будзе ўбачыць у розных краінах свету.
Гюлай Гюн – гісторык і рэлігіязнаўца паводле адукацыі. Яна вывучала еўрапейскія даследаванні ў Брэмене, Франфурце на Одэры і Стамбуле. У 2013/14 годзе яна курыравала выставу “Чаркесы – з Каўказа развеяныя па свеце” у Гамбургскім музеі этналогіі, пасля перайшла ў Музей працы як стыпендыятка праграмы “Культурная разнастайнасць і міграцыя ў музеі” Фонда Альфрэда Топфера (Alfred Toepfer Stiftung). З 2015 года яна кіруе ў гэтым музеі праект “Прымусовая праца. Немцы, прымусовыя рабочыя і вайна” і арганізоўвае праграму мерапрыемстваў праекта.
Яе навуковая сфера цікавасці – гэта Critical Whiteness, калектыўная памяць і культура памяці ў постмігранцкім грамадстве.
Мадэратар – Альміра Усманава.
Даведкі: +375 17 237-71-19, Вера Дзядок