Кампанія “Наша мова” ў другі раз ладзіць творчы конкурс сярод маладых берасцейцаў, якія ў паўсядзённасці не гавораць па-беларуску, але хочуць паспрабаваць.
Конкурснае заданне ў тым, каб цэлы дзень размаўляць па-беларуску, а пасля апісаць свой эксперымент у эсэ. Да ўдзелу запрашаюцца менавіта тыя берасцейцы, якія звычайна не размаўляюць “на мове”. Гэта дапаможа ім папрактыкавацца, лепш зразумець свае адносіны з беларускай мовай, пераадолець бар'еры і атрымаць новы вопыт.
Творчая справаздача (дзённік) павінна быць таксама на беларускай мове. Не трэба саромецца і перажываць, нават калі ўзровень мовы ў канкурсанта невысокі або пісьменнага вопыту замала.
Няхай атрымаецца і не без памылак, затое з душой!
Што менавіта пісаць, вырашаюць самі канкурсанты: апісанне сваіх дасягненняў за гэты дзень, эмоцый і адчуванняў, думак, высноў і меркаванняў. “Як эксперымент паўплываў на мяне? Спадабалася мне ці не? Ці паўплывае гэта ў далейшым на маё жыццё?” — пра гэта і многае іншае могуць расказаць удзельнікі, прычым у любым стылі і жанры, без абмежаванняў па аб'ёме.
Журы адбярэ тры лепшыя працы, а пераможцу вызначыць анлайн-галасаванне ў суполцы 30-31 сакавіка.
Фіналістаў чакаюць “дыпломы сапраўдных беларусаў” і
1 месца: powerbank (партатыўны акумулятар) CANYON 10000 mAh;
2 месца: Dual USB Drive 3.0 16 Gb флэшка можа выкарыстоўвацца адначасова і для кампутара і для смартфона);
3 месца: слухаўкі Philips SHE 7000 WT.
“Дзённікі” трэба даслаць да 30 сакавіка на эл. пошту .