-
Инфолиния:
-
Стоимость:
200 000 руб. з дарослага
Дзеці да 12 бясплатна
Сёлета мы не праводзім вялікія фестывалі, але мы не забываемся на сваіх сяброў.
У канцы ліпеня госці аграсядзібы мелі магчымасць добра адпачыць. Увечары да нашай прыемнай кампаніі завітаў у госці беларускі музыка Лявон Вольскі.
Зараз мы запрашаем усіх ахвотных на чарговы адпачынак 21-23 жніўня!
Прыехаць на хутар можна ў пятніцу, 21 жніўня, паставіць намёт і атрымоўваць асалоду ад шпацыраў па ўзгорках даліны Буянкі. Жнівень вядомы зоркападамі, а на небе над хутарам іх вельмі шмат. Зораў і жаданняў хопіць на ўсіх.
Раніцай 22 жніўня, у суботу, для аматараў запланаваны аўташпацыр на асабістых аўто па маршруце «Лоск-Кашчэлічы-Высокае» з наведваннем старажытных гарадзішчаў, аглядам іншых гістарычных славутасцяў, а таксама пікнік на беразе ракі Заходняя Беразіна.
А ўвечары каля вялікага вогнішча мы будзем слухаць вядомыя і любімыя песні ў выкананні Змітра Вайцюшкевіча, размаўляць пра жыццё, спяваць ды танчыць.
ЯК ПАТРАПІЦЬ НА ЎІКЭНД?
Заключыць дамову аб аказанні агратурыстычных паслуг і ўнесці аплату можна ў мінскім офісе хутара па адрасе вул. Калініна, 5 «Тэатральная каса».
Колькасць месцаў абмежаваная.
Паркінг, вада, дровы для вогнішчаў, вольнае паветра і добры адпачынак — традыцыйна бясплатна!
Бярыце добры настрой, намёты, ровары, вуды, любімых хатніх жывёлаў і верных сяброў.
Да сустрэчы на хутары!
200 000 руб. з дарослага
Дзеці да 12 бясплатна