Запрашаем прыняць удзел у прэзентацыі кнігі Алены Адамчык, якая адбудзецца 20 лютага 2015 г. а 16-й гадзіне ў галерэі "Ракурс" Нацыянальнай бібліятэкі Беларусі.
Алена Адамчык – фотамастак, майстар парадных партрэтаў. Яе фотапрацы экспанаваліся ў розных гарадах і краінах Еўропы. У 2004 годзе Алена распачала кніжны праект «Women of…», які ужо на працягу шмат год ажыццяўляецца не толькі ў Беларусі, але і далёка за яе межамі. Новая, ужо шостая кніга «Diamonds of Belarus» – гэта сумесная праца, прысвечаная дзесяцігоддзю салона «Смаленскія дыяменты» («Смоленские бриллианты») у Мінску і праекта «Women of…», які сёння стаў вядомым далёка за межамі Еўропы. Гераіні новай кнігі – дзівосныя і шматгранныя, яны ззяюць гэтак жа ярка, як іх упрыгажэнні – дыяменты, дзеляцца думкамі аб сваёй сям'і, штодзённых клопатах; раяць, як ажыццявіць свае мары і забяспечыць мірную будучыню.