22 красавіка 2014 года а 16-й гадзіне ў галерэі «Ракурс» Нацыянальнай бібліятэкі Беларусі адбудзецца прэзентацыя першых вынікаў агульнанацыянальнага праекта па факсімільным узнаўленні кніжнай спадчыны Францыска Скарыны – першага тома з поўнага збору прац беларускага першадрукара.
У мерапрыемстве прымуць удзел кіраўнікі міністэрстваў культуры, інфармацыі, адукацыі і замежных спраў Рэспублікі Беларусь, Нацыянальнай бібліятэкі, ААТ «Банк БелВЭБ».
Выдавецкі праект разлічаны на перыяд 2013–2017 гг. і прымеркаваны да 500-годдзя айчыннага кнігадрукавання. Ініцыятарамі і асноўнымі выканаўцамі праекта сталі Банк БелВЭБ і Нацыянальная бібліятэка Беларусі. Шматтомнае факсімільнае выданне ўпершыню дазволіць сабраць поўны рэпертуар кніг, якія былі надрукаваны Францыскам Скарынай у Празе (1517–1519) і Вільні (1522–1525). У яго аснову пакладзены электронныя копіі найлепш захаваных кніг першадрукара, якія захоўваюцца ў бібліятэках і музеях Беларусі, Расіі, Украіны, Германіі і іншых краін. Факсімільнае выданне з максімальнай паўнатой узнаўляе кнігі Францыска Скарыны. Усе выданні суправаджаюцца каментарыямі навукоўцаў, а таксама перакладамі прадмоў і пасляслоўяў Францыска Скарыны на сучасныя беларускую, рускую і англійскую мовы.
Все события твоего города в мобильном приложении relax.by . Найди «relax.by» в своем маркете: App Store, Google Play!