13 кастрычніка у мінскай галерэі сучаснага мастацтва “Ў” адбудзецца імпрэза, удзел у якой возьмуць шведскі літаратар Гунар Ардэліюс і беларуская аўтарка Ксенія Шталенкова. Вядучая сустрэчы — пісьменніца Людміла Рублеўская.
Тэма вечара — літаратура для падлеткаў, асаблівасці яе напісання і прамоцыі, абмен актуальным досведам паміж беларускімі і шведскімі творцамі.
Гунар Ардэліюс (Gunnar Ardelius), аўтар кніг для падлеткаў, перакладчык, старшыня Шведскага саюза пісьменнікаў. Нарадзіўся ў 1981 годзе. Яго дэбютная кніга (2006 г.) была намінаваная на прэмію імя Аўгуста Стрынберга, атрымала прэмію дэбютантаў “Рагатка” (Slangbellan). Кнігі Ардэліюса перакладзеныя на некалькі замежных моваў, у тым ліку англійскую, нямецкую, французскую.
Ксенія Шталенкова, беларуская пісьменніца, аўтар кнігі для падлеткаў “Адваротны бок люстра” (2012). Нарадзілася ў 1992 годзе. Ксенія пачала пісаць, калі яшчэ сама была падлеткам. “Адваротны бок люстра” — прыгодніцкі раман-трылогія, першая частка якога стваралася 4 гады. Ужо напісаны працяг, які чакае свайго выдання.
Уваход на імпрэзу вольны!
Все события твоего города в мобильном приложении relax.by. Найди «relax.by» в своем маркете: App Store, Google Play!