26 верасня 2013 года ў Дзяржаўным літаратурна-мемарыяльным музеі Якуба Коласа ў працяг цыкла ужо добра вядомых літаратурных чацвяргоў адбудзецца чарговая імпрэза з удзелам аўтара і выканаўца Марка Затогіна.
Сам герой вечара лічыць сваю творчую біяграфію больш чым сціплаю. Заўсёды, яшчэ з дзіцячых гадоў, ён захапляўся спевамі, займаўся на ўзроўні мастацкай самадзейнасці ў школе і ў арміі, і ў пазнейшыя перыяды жыцця. У 2007 годзе Марк Затогін запісаў студыйна кампакт-дыск “Незабыўныя мелодыі” – папулярныя і любімыя песні і рамансы мінулых гадоў. У красавіку 2010 года стаў дыпламантам Рэспубліканскага конкурсу-агляду ветэранаў, прысвечанага песням ваенных гадоў. А ў пачатку гэтага года быў студыйна запісаны і выйшаў у свет кампакт-дыск уласна аўтарскіх песень і рамансаў “Карціны жыцця”.
Сёння Марк Затогін працягвае сцэнічныя выступленні, у тым ліку і на конкурснай аснове, спадзяецца на працяг публікацый вершаў і альбома песень ужо ў наступным годзе. Сваю жыццёвую пазіцыю аўтар выказаў простымі і зразумелымі словамі: “Заўсёды ўяўляў сабе ўсё наша вельмі кароткае жыццё як абавязковае адзінства душы і цела. Упэўнены, што толькі здаровы стан і аднаго, і другога дазваляе ствараць сапраўды прыгожыя і натхняючыя рэчы.”.
Цягам вечара будуць гучаць вершы і рамансы ў выкананні аўтара.
Пачатак у 17.30.
Адрас музея: г. Мінск, вул. Акадэмічная, 5
Тэл. для даведак: 284-15-84, 284-17-02
Афіцыйны сайт музея:
САРДЭЧНА ЗАПРАШАЕМ!
Все события твоего города в мобильном приложении relax.by. Найди «relax.by» в своем маркете: App Store, Google Play!