Пошукі Беларусі нагадваць пошукі святога Грааля – адны сцвярджаюць, што бачылі чашу сваімі вачыма, але крыху запамятавалі, дзе менавіта; другія ўпэўнены, што, каб знайсці яе, трэба ісці шляхам гігантаў, якія бачылі нешта з вышыні свайго таленту; расчараваныя кажуць, што Беларусь – гэта выдумка для легкаверных і скіроўваюць сляды за далягляд.
Ісці па «дарогах» Беларусі – справа для сапраўдных рамантыкаў, якія не баяцца цяжкасцяў і горачы паразаў. Так было раней, так ёсць і зараз.
Літаратурны музей Максіма Багдановіча
запрашае на вечарыну:
«Забыты шлях»
Вы даведаецеся пра жыццё і дзейнасць дзеяча беларускага адраджэння, сябра Максіма Багдановіча, гісторыка і міфатворцу Вацлава Ластоўскага, а таксама будзеце мець магчымасць паслухаць і задаць пытанні філосафу, мысляру, эсэісту Валянціну Акудовічу, які падзеліцца сваім бачаннем шляхоў да Беларусі, па якіх варта ісці, каб ён не парос хмызняком.
*Пасля вечарыны адбудзецца аўтограф-сесія.
** Мерапрыемства адбудзецца ў рамках цыкла вечарын «Ведай нашых!», прысвечаных выбітным дзеячам беларускай культуры мінулага і сучаснасці.
Чакаем вас 26-га красавіка а 19-й гадзіне
Наш адрас: г. Мінск, вул. Багдановіча, 7а