17 снежня (панядзелак) а 20.00 адбудзецца прэзентацыя дэбютнай электроннай кнігі Юліі Шаровай, раману «Don Giovanni, або Памілаваны свавольнік».
Вядоўца імпрэзы — Андрэй Хадановіч.
Кнігарня логвінаЎ (Незалежнасці 37а). Уваход (сва)вольны. Чакаецца піяніна ў кустах.
Крыху пра раман. У оперным тэатры гораду N існуе дзіўны звычай: маўляў, нельга дарабляць працу за калегам, які заўчасна і раптоўна памёр. Нельга спяваць і таньчыць чужую партыю, нельга гартаць партытуру з пазнакамі дырыгента-нябожчыка. Але што рабіць, калі такая «чужая праца» — твая запаветная мара? Галоўны герой вырашае рызыкнуць і згуляць з лёсам, хоць вынік той гульні прадказальны…