«У кожнай песні свае тоны…»
1 снежня 2012 года Дзяржаўны літаратурна-мемарыяльны музей Якуба Коласа запрашае усіх удзельнікаў сталічнага праекта “Музейныя лабірынты”, арганізатарамі якога з’яўляюцца Міністэрства культуры Рэспублікі Беларусь і Камунікацыйнае агенцтва АГТ-Беларусь, а таксама усіх аматараў беларускай літаратуры, музыкі, народных традыцый на святочная імпрэзу “У кожнай песні свае тоны…”.
Мерапрыемства пачнецца а 14 гадзіне святочнай праграмай ад удзельнікаў міжнароднай асацыяцыі гістарычнага танца – гурта “Гістрыён”, які займаецца аднаўленнем народных і прыдворных танцаў Сярэднявечча і Рэнесанса. Наведвальнікі музея будуць мець магчымасць пабачыць старажытныя народныя танцы, а таксама паўдзельнічаць у іх у рамках майстар-класа, які рыхтуюць удзельнікі гурта.
А 16 гадзіне адбудзецца выступленне Кацярыны Ваданосавай і гурта “Alta Mente”). Alta mente –лацінскі выраз, які ў перакладзе азначае “ў глыбіні душы”.
Госці музея будуць мець магчымасць патрапіць на выстаўку-кірмаш хэндмэйда ад лепшых сталічных майстрыц, якія гатовыя раскрыць некаторыя сакрэты сваёй працы. Свае непаўторныя работы прадставіць Яўгенія Захарчанка (выраб з тканіны традыцыйных беларускіх лялек), Ніка Янкоўская ( аксэсуары, біжутэрыя, сувеніры), Ірына Коўцік (упрыгожванні з бісеру, вязаныя цацкі), Лізавета Лукашэвіч (аўтарскія сумкі, аксэсуары, цацкі).У наведвальнікаў будзе магчымасць не толькі пабачыць і набыць эксклюзіўныя вырабы, але і самім паўдзельнічаць у творчым працэсе.
Шчыра запрашаем усіх удзельнікаў праекта “Музейныя лабірынты”, а таксама усіх, хто пажадае цікава і карысна правесці час у Доме Якуба Коласа.
Пачатак у 14.00.
Наш адрас: г. Мінск, вул. Акадэмічная, 5. Тэл. 284 17 02.
Афіцыйны сайт музея: www.yakubkolas.by, e-mail: muzeykolas@yandex.ru.