-
Стоимость:
Бесплатно
- Инфолиния:
24-25 мая 2018 у Парыжы пройдзе Форум па пытаннях Балонскага працэса. Гэта мерапрыемства стане магчымасцю для дыялога паміж краінамі еўрапейскай прасторы вышэйшай адукацыі (EHEA) і тымі, што туды не ўваходзяць (у тым ліку Беларусь).
Супольнасць Global Shapes ладзіць дыскусію, каб даведацца апошнія навіны і вынікі Форума. Мы абмяркуем, што дае Балонская сістэма – для выкладчыкаў, студэнтаў, абітурыентаў і дзяржслужбоўцаў.
Чаго чакаць Беларусі па выніках Форума? Як гэта паўплывае на развіццё вышэйшай адукацыі Беларусі ў наступныя гады? Ці будуць студэнты вандраваць і вучыцца семестр па абмене ў еўрапейскіх ВНУ?
Усе гэтыя пытанні мы абмяркуем пачас дыскусіі – запрашаем да ўдзелу!
Спікеры:
Уладзімір Дунаеў – эксперт грамадскага Балонскага камітэта, падзеліцца вынікамі абмеркавання і рашэння Парыжскай канферэнцыі, акрэсліць праблемы з уступленнем Беларусі ў Балонскую сістэму.
Іна Кулей – прадстаўляе арганізацыю «Твоё заўтра», распавядзе пра кейсы беларусаў, якія вучыліся за мяжой і пасля вярнуліся на радзіму. З якімі цяжкасцямі яны сутыкаліся? Якія перспектывы чакаюць выпускнікоў замежных ВНУ у Беларусі? Ці лёгка пацвердзіць замежны дыплом?
Крысціна Рыхтэр – падзеліцца інфармацыяй пра размеркаванне выпускнікоў беларускіх ВНУ. Пытанне аб размеркаванні адно з ключавых, і тое, як яно будзе вырашана, паўплывае на ступень інтэграцыі Беларусі ў Балонскую сістэму.
Час і месца: 5 чэрвеня, 18.30 – 20.30, прастора PUNKT (Кастрычніцкая 23а)
Уваход вольны па папярэдняй рэгістрацыі: goo.gl/forms
Бесплатно