-
Стоимость:
Бесплатно
-
Регистрация:
Савецкая адукацыя была моцная?
Чаму нам неабходна перастаць чапляцца за старыя падыходы і пераасэнсаваць стаўленне да вышэйшай адукацыі.
Першая панэльная дыскусія спецпраекту “Зомбі-ідэі”
Беларускае грамадства ўвайшло ў XXI стагоддзе з процьмай дурных ідэяў, якія сядзяць у нашых галовах. Большасць гэтых шкодных меркаванняў засталіся нам у спадчыну ад Савецкага саюзу ці традыцыйнага грамадства. Часта яны даўно аспрэчаны навукай і выглядаюць дзікунствам у развітых краінах.
Але ў Беларусі гэтыя дурныя ідэі працягваюць жыць і квітнець. Калі ж мы хочам, каб эканоміка развівалася, а грамадства рабілася заможнейшым, нам трэба ачысціць сваё мысленне.
Цэнтр новых ідэй пачынае серыю з чатырох сустрэч, дзе гэтыя шкодныя меркаванні будуць прэпарыраваныя і пахаваныя.
Першая дыскусія - пра савецкую адукацыю. Чым яна своеасаблівая? Ці яна такая дрэнная? Беларуская адукацыя - яна савецкая ці не? Што трэба рабіць з беларускай вышэйшай школай, каб яна адпавядала патрабаванням XXI стагоддзя? Ці ёсць надзея ўвогуле ажывіць беларускія ВНУ? І, нарэшце, ці робіцца для гэтага нешта сёння?
Нашы спікеры:
Уладзімір Мацкевіч, філосаф і метадолаг, кіраўнік Агенцтва гуманітарных тэхналогій, адзін з заснавальнікаў Лятучага універсітэту.
Уладзімір Дунаеў, кандыдат філасофскіх навук, прафесар, адзін з заснавальнікаў і першы прарэктар ЕГУ (1992-2008), сябра Грамадскага Балонскага Камітэта.
Таццяна Сініца, кандыдат псіхалагічных навук, дацэнт кафедры псіхалогіі БДУ.
Рыхтуйце пытанні і прыходзьце! Як заўсёды мы абяцаем прыемную кампанію, цікавых суразмоўцаў і жывую гутарку!
Уваход вольны па папярэдняй рэгістрацыі (колькасць месцаў абмежаваная!) — goo.gl/forms
Група ў “Фэйсбуку” – facebook.com
Група ва “УКантакце” – vk.com
Мерапрыемства фінансуецца Еўрапейскім Саюзам.
Бесплатно