-
Стоимость:
4,50 руб.
- Регистрация:
- Возрастное ограничение: 5+
Запрашаем дзетак і іх бацькоў на заняткі «Бібліятэка — дом, дзе жывуць кнігі»!
8 верасня дзетак 5–7 гадоў
16 верасня дзетак 8–12 гадоў
Бібліятэка — гэта найперш дом, дзе жывуць кнігі. На занятках удзельнікі пазнаёмяцца з будынкам самай вялікай бібліятэкі краіны і даведаюцца, як арганізавана ў ім кніжнае жыццё. Дзецям будзе прапанавана паглядзець на бібліятэку не толькі як карыстальнікам. Падчас заняткаў яны стануць бібліятэкарамі і будуць ажыццяўляць пошук дакументаў у электронным каталогу, спрабаваць адшукаць кнігу ў падсобным фондзе і абслужыць карыстальніка. Удзельнікі пабываюць у незвычайнай чытальнай зале — зале рукапісаў, старадрукаў і рэдкіх кніг, дзе чытаюць толькі навукоўцы. Заняткі завершацца творчым заданнем — кожны ўдзельнік зробіць сваё каляровае афармленне галоўнай бібліятэкі краіны.
Для дзетак 5–7 гадоў асаблівая ўвага будзе нададзена музею кнігі і міжнароднай выставе «Буквары народаў свету», якая прымеркавана да знамянальнай даты – 400-годдзя выдання першай у свеце кнігі пад назвай «Буквар». Маленькія наведвальнікі пазнаёмяцца таксама з «доўгажыхарамі» кніжнай культуры і ўбачаць кнігі беларускага першадрукара Францыска Скарыны.
Заняткі праводзяцца ў даступнай і займальнай форме. Пазнанне кніжнай культуры адбываецца з дапамогай дыялогу, гульняў і творчасці.
Працягласць: 60 хвілін.
4,50 руб.