Пакуль на вуліцы яшчэ стаіць залатая восень – самы час для загарадных прагулак ў Раўбічах. Акрамя любавання цудоўнай прыродай, госці могуць патрапіць у наш музей на займальныя майстар-класы.
Саломапляценне. Падчас майстар-класа ўдзельнікі пазнаёмяцца са спосабамі нарыхтоўкі саломы і самі змогуць зрабіць невялікі саламяны сувенір на памяць, які ў хуткім часе можна выкарыстаць як ёлачнае упрыгожанне.
Выраб традыцыйных лялек. У нашых продкаў на кожную пару года, свята, падзею былі “свае” лялькі: “крупянічкі”, “мотанкі”, “дзесяціручкі”, “неразлучнікі”, “траўніцы”. Адну з такіх лялек мы зробім на майстар-класе.
Пляценне паясоў (бранзалетаў). Пасля шлюбу нявестка павінна была адарыць сваякоў мужа паясамі. Гэтыя паясы трэба было зрабіць самой, каб паказаць сябе добрай майстрыхай. Зараз у нас няма такой патрэбы, але ўпрыгожыць сябе ці падараваць блізкім невялікія бранзалеты-фенечкі – прыемна.
Патрапіць на майстар-клас можна ў любы працоўны дзень музея: серада-нядзеля з 10.00 да 17.00 (уваход да 16:30).
Папярэдні запіс абавязковы па тэлефонах +375 29 135-32-41 ці +375 17 507-44-69
Кошт – 6 руб.
Працягласць – 1 гадзіна.
Кожную суботу а 12-й гадзіне можна патрапіць у зборную групу.