Вялікі святочны канцэрт-спектакль з удзелам беларускіх і замежных гуртоў.
2 лютага 2011 года на сцэне Белдзяржфілармоніі адбудзецца Вялікі святочны канцэрт-спектакль «Таўкачыкі ад Юрыя Выдронка». У ім прымуць удзел знакамітыя беларускія фольк-гурты «Юр’я», «Бан-Жвірба», «Альтанка», «Ветах», «Талака», этна-тэатр «Мотальскія суседзі», студыя індыйскага класічнага танца «Індывара», а таксама госці з замежжа - «Sofia Juliusdoter» (Швецыя).
У праэкце прагучаць і аўтэнтычныя сельскія песні ў выкананні непасрэдных носьбітаў беларускага фальклору – бабулечак. Каб больш поўна паказаць гледачу каледаскоп традыцыйнай беларускай культуры, канцэртныя выступы музыкаў будуць пераплятацца з пастаноўкамі абрадавых сцэнак-мініяцюр: калядныя гаданні, калядны маскарад, ігрышчы і вячоркі (жаніцьба Цярэшкі).
Рэжысер праекта – Юры ‘Frants’ Выдронак