Паважаныя сябры Беларускага дзяржаўнага музея народнай архітэктуры і побыту! Не прамініце! 28 жніўня з 12.00 да 15.00 у нашым музеі вас чакае “Незвычайны выхадны, ці Казачная вандроўка для дзяцей і дарослых”. Перад вамі адкрыецца чароўны свет дзяцінства. І, хто ведае, можа споўняцца самыя патаемныя жаданні. У гэты дзень разам з Млынаром і Дамавіком вы адправіцеся ў захапляючую вандроўку, каб адалець Ліха Аднавокае. Вы сустрэнеце міфічных істот: Жыжаля, Валасняка, Зазоўку і Хапуна. Вас чакаюць прыгоды, смех, жарты.
І галоўнае – на свяце аднолькава цікава будзе і дарослым, і дзецям.
Еднасць пакаленняў! І гэта так зразумела, таму што кожны з нас – родам з дзяцінства. Прыязджайце, не пашкадуеце!